unfulfilled-dreams-640x410

Kuch likh raha tha kal

Mere zehen ki siyahi se

Phir socha kya fayda hai waqt zaya karke?

Inhi fayde-nuksaan ke khayalon me kho gaya

Aur ek haseen lamha mere haathon se kho gaya

 

Kuch gaa raha kal

Mere zehen ki awaaz me

Phir socha kaun sun raha hai mujhe?

Inhi sune-ansune khayalon me kho gaya

Phir se ek haseen lamha mere haathon se kho gaya

 

Kuch sapne dekh raha tha kal

Mere zehen ki aankhon se

Phir socha in sapnon ka bojh kyun sahun?

Inhi sapno ne hi toh mujhe tabaah kar diya

Aur yunhi ek haseen zindagi mere haathon se kho gayi

Advertisements